Lajme nga vendi
Nuk vlen asnjë pasuri e botës nëse vrasim njëri -tjetrin ulni armët largoni urrejtjen dhe jepni fund vrasjeve,mos i leni fëmijët që të mbeten jetim gjithë jetën
Vetëm për një muaj disa vrasje tronditën Pollogun.Djem të rinj të cilëve jeta iu pre në mes për motive shpesh të ulëta.Por pavarësisht pendesës pas akteve brutale, asgjë nuk e kthejmë më.As jetën e shtrenjtë të njerëzve që është një dhuratë nga Zoti dhe vetëm ai ka të drejtë ta merr atë.
Po bien një nga një viktimat.Janë megjithatë djem të rinj shumë prej të cilëve të mbytur nga varfëria zgjodhën këtë rrugë të errët.Tani qoftë edhe duke dashur të japin dhjetë monedha që kur u futën në këtë rrezik kishin dhënë pesë të tilla,është e vështirë ,thuajse e pamundur tia kalojnë paqtë.Por nuk është vetëm varfëria që i shtyn njerëzit drejt kësaj rruge të verbër.
Ka prej tyre që paraja e mallkuar ua humb njerëzve kontrollin dhe duke rendur pas saj ndonjëherë harrojnë se ku mund ti dërgojë njerëzit nga lakmia e tyre për këto monedha pa vlerë sepse lufta për territore të ” pasurish” të çon në këto akte .Shpesh vrasjet ndodhin edhe për hiçgjë.Ndodhin për konflikte banale të çastit dhe më pas hapen dyert e zisë së përjetshme.Aty ku nuk ka fitues.Njëri në varr dhe tjetri në burg.Familjet mbeten mes hakmarrjes dhe dhimbjes që i mbyt përditë.
Ka të tjerë që shohin jetën e luksit tek ta mes gjykimeve si e bënë këtë pasuri të pavlerë ndërsa ata jetojnë mes armiqësive me njëri- tjetrin me drojen e madhe se ku mund të ndalet jeta e tyre.
Dhe pavarësisht çdo gjëje,secili ka të drejtë të jetojë.
Por përskaj kësaj, edhe ata që vriten dhe të tjerë që janë në ato lista,mbi të gjitha janë bijtë e dikujt që u futën në këtë rrugë të verbër dhe tani kthehen në arkivole në shtëpitë e tyre.Atje ku i presin prindërit e tyre të gjorë ,fëmijët e tyre që do mbeten jetim gjithë jetën dhe do jetojnë edhe ata me frikën e së keqes që mund tu ndodhë ose të vazhdojnë ta kenë në mendje hakmarrjen.
Çdo vrasje ,prodhon një tjetër,një hakmarrje më shumë,një varr më shumë dhe kjo nuk ka fund.
Shumë njerëz nuk e mendojnë kurrë se do vijë ky fund i tillë.Mendojnë se pak përpara se ti japin fund kësaj rruge do i kthehen jetës së vërtetë,jetës normale por qoftë edhe nëse japin gjithë atë që kanë fituar edhe në forma të zeza dhe jo të ndershme,sërish për tu larguar nga kjo valle të paprekur është e pamundur të ndodhë.
Ulni armët, largoni urrejtjen dhe jepni fund vrasjeve.
Në jetë ka gjithnjë një zgjidhje.Ka një shteg dhe jeta është një dhuratë e çmuar nga Zoti.
Vetëm Zoti ka të drejtë ta jep dhe merr jetën e gjithësecilit nga ne.
Nuk vlen asnjë pasuri e botës nëse vrasim njëri -tjetrin kur mund ta zbusim urrejtjen.
Urim Saliu
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
