Një banor 22-vjeçar nga Karbinci është arrestuar pasi ishte raportuar se ishte fotografuar me një pistoletë në duar dhe më pas e kishte publikuar fotografinë në një rrjet social, njoftoi Ministria e Punëve të Brendshme (MPB). “Dje në Shtip, oficerët e policisë në koordinim me departamentin e policisë kriminale e privuan nga liria G.P. (22) nga fshati Kozjak, komuna e Karbincit, duke vepruar pas një denoncimi paraprak se në një rrjet social ishin publikuar fotografi në të cilat një person, në një zonë urbane, mbante një pistoletë në duar”, informoi MPB.
Personi është gjetur dhe arrestuar, dhe pas inspektimit janë gjetur dhe gëzhoja në vendin ku ishte fotografuar. “Në lidhje me ngjarjen, nga M.T. (27) nga Shtipi është konfiskuar një pistoletë ‘Zoraki’, e cila me urdhër të prokurorit publik është dërguar për ekzaminim. G.P. është mbajtur në stacionin e policisë dhe në koordinim me Prokurorinë Themelore Publike në Shtip, pas dokumentimit të plotë të rastit, ndaj tij do të ngrihet kallëzim penal për ‘shkaktimin e një rreziku të përgjithshëm’”, thanë nga MPB.