Lajme nga vendi
Komunat bëjnë gati projektet për grantet e qeverisë
Me të paralajmëruar se 250 milion euro do të jepen grande për komunat, zyrat urbanistike lokale kanë përveshur mëngët për të konkretizuar projektet infrastrukturore që ju kanë mbetur pezull ndër vite. Nga Komuna e Çairit thonë se nga ky çerek miliardësh euro që ndan pushteti qëndror, ata do të përfitojnë 6-8 milion euro. Më me prioritet për komunën e Çairit është zgjerimi i rrugës së Çairçankës dhe disa projekte tjera. Kreu i kësaj komune, Visar Ganiu tha se kjo shumë do të ndahet në 4 vite buxhetore dhe sivjet me rebalancin, do të investohen 100 milionët e para. Ai tha se edhe komuna do të marrë pjesë financiarisht në këto projekte.
“Ish-Ministri Fatmir Besimi ka tërhequr mjetet nga ajo konto prej ku është dashur të bëhet rruga për të vetmin qëllim të pengoj zgjerimin e bulevardit “Cvetan Dimov”. Ju e dini që ajo është jetike jo për Komunën e Çairit por edhe të Butelit e Shutkës pasi ajo lidh qendrën me gjithë këtë zonë. Ne do të ndajmë mjete së paku për fazën e parë, por kemi edhe projekte të infrastrukturës nëntokësore ku do ti përfshijmë në këtë grand, asfaltimin e rrugëve e rrugicave si dhe rikonstruimet e shkollave fillore, çerdheve”, tha Visar Ganiu, Kryetar i Komunës së Çairit.
Krerët e komunave thonë se buxheti është shumë i centralizuar dhe mbi 60% e të ardhurave nga taksat shkojnë direkt në shtet, prandaj mundësitë për nisma të pavarura janë mjaft të kufizuara. Në muajin shtator kryetarët e komunave nga i gjithë vendi do të mund të aplikojnë në thirrjen publike të Ministrisë së vetëqeverisjes lokale për të marrë mjete për projektet e tyre. Borxhi i gjitha komunave është 15,4 milion euro. Parashikimet janë që ky borxh të rritet sivjet në 0.12% apo 17.2 milion euro, por nga komunat shprehen optimistë që grandi prej 250 milion eurove do të zbut krizën e tyre./Alsat.mk
Më 17.03.2025, rreth orës 11:35, nga Spitali i Përgjithshëm i Kumanovës është raportuar në Sektorin për Punë të Brendshme në Kumanovë se një pacient me gjendje të përkeqësuar shëndetësore, V.A. (32) nga Kumanova, është sjellë në spital, ku i është dhënë terapi, por ka ndërruar jetë pas një kohe të shkurtër.
Me urdhër të prokurorit publik, trupi i tij është dërguar për autopsi, ndërsa oficerët e policisë nga SPB Kumanovë kanë kryer inspektim dhe kanë marrë në pyetje të gjithë personelin mjekësor të pranishëm.
Hetimet për zbardhjen e rastit po vazhdojnë.
Lajme nga vendi
E mbijetuara e zjarreve drejtuar policisë: I kërkova ndihmë pasi nuk kisha frymë dhe polici më tha se nuk mundet
Një e mbijetuar e tragjedisë në Koçani, Ana Karova me një status në rrjetet sociale ka treguar për dhimbjen dhe sfidat për të shpëtuar në rrëmujën e diskotekës që digjej, njofton Telegrafi Maqedoni.
“Ku jetojmë ne, o popull?
Ku janë njerëzit që duhet të KUJDESEN për ne? Njerëzit që janë betuar se do të ndihmojnë, do të shpëtojnë, do të sakrifikohen?! Ku ishin ata kur ne luftonim për jetën? Qëndronin në heshtje dhe na shikonin…
Thërras:
– Ndihmë, më shpëtoni! Ju lutem! Nuk kam ajër!
Ndërsa personi që mban titullin POLIC më kap për dore dhe më thotë:
– Nuk mundemi!
Largohet dhe nuk më shikon. Vetëm dëshpërim kishte në sytë e mi, DËSHPËRIM!
TURP JU QOFTË, NJERËZ! Të gjithë jemi fëmijë! Të gjithë luftonim për jetën! Vetëm Zoti na mbrojti në atë moment fatal. Ku do ta çoni shpirtin tuaj, o njerëz?!! KU?!! TË GJALLË DIGJESHIM!!!!!
Nuk e dinim pse, si, pse pikërisht ne duhet të vuajmë për mëkatet TUAJA? Ne nuk e meritonim këtë… mendonim se do të kujdeseshit për ne! Që të vegjël e shikonim policinë si shembull… në ujë u fundos ai ëndërr fëminore, se polici është hero…
JO! NE JEMI HERONJTË, DHE JU QOFSHI ME TURP QË KRENARISHT E QUANI VETEN SHPËTIMTARË! Nga kjo përjashtoj policët që ndihmuan, të cilët mund të numërohen me gishta” ka shkruar Ana Karova.
https://www.facebook.com/permalink.php?story_fbid=3471100246532712&id=100008983117129&ref=embed_post
Lajme nga vendi
Paraburgim për të gjithë 16 të dyshuarit, Bekteshi dhe Trajkovski përfunduan në Shutkë
Ish-ministri i Ekonomisë Kreshnik Bektesi, ish-drejtori i Inspektoratit Shtetëror të Tregut Goran Trajkovski dhe 14 të dyshuar të tjerë janë në paraburgim prej 48 orësh për zjarrin në diskotekën “Pulse” në Koçan, transmeton Portalb.mk.
“Deri më tani, Prokuroria Themelore Publike në Koçan ka propozuar caktimin e masës së paraburgimit afatshkurtër për 16 persona. Propozimet janë pranuar dhe masa u është shqiptuar të gjashtëmbëdhjetës personave. Për karakteristikat e secilit të dyshuar zyrtarisht do të flasim kur të hyjmë në hetim. Për momentin bëhet fjalë për persona që dyshohet se me veprimet apo mosveprimet e tyre kanë kontribuar në tragjedi”, thonë nga Prokuroria.
Gjykata e Koçanit thotë se po vepron sipas sugjerimeve të Prokurorisë, në lidhje me zjarrin në “Puls” të Koçanit, ku 59 persona humbën jetën dhe 155 u lënduan.
Ljupço Kocevski dje ka njoftuar se në lidhje me aksidentin në klubin e natës “Pulse” në Koçan, po punohet për ndjekjen e menjëhershme të 14 të dyshuarve.Ai bëri me dije se dyshohen për “krime të rënda kundër sigurisë së përgjithshme” nga neni 292 i Kodit Penal me dënim me burg prej të paktën tre vjet pa kufi të sipërm, i cili mund të shkojë deri në 20 vjet. Njëkohësisht ai tha se po hetohen aktet e marrjes dhe dhënies së ryshfetit si dhe prokurimi i paligjshëm i mjeteve piroteknike.
“Deri në këtë pikë janë duke u proceduar gjithsej 14 persona të siguruar me veprimet tona të deritanishme. Nga inspektimi i kryer mund të them se janë siguruar të gjitha faktet dhe provat e rëndësishme relevante në vendin e ngjarjes dhe vijojnë analizat shtesë dhe raportet e ekspertëve nga zona përkatëse”, tha Kocevski, duke shtuar se gjatë kësaj jave ka mundësi për fillimin e procedurës hetimore.
Bekteshi, Trajkovski dhe një person tjetër janë sjellë mbrëmë para gjykatës në Koçan. Pas marrjes në pyetje ata janë dërguar në Burgun e Paraburgimit Shkup. Së bashku me ta janë marrë edhe tre persona të tjerë. Të tjerët janë në repartin e paraburgimit në burgun e Kumanovës.
Paraprakisht është marrë në pyetje edhe kryetari i Komunës së Koçanit, Ljupço Papazov, i cili siç ka njoftuar Prokuroria do të merret vendim për statusin e tij të mëtutjeshëm në procedurë.
“Është bërë marrja në pyetje e kryetarit të komunës, i cili ka dhënë sqarime dhe informacione të caktuara. Një deklaratë e tillë krahasohet me materialin dëshmues dhe me kompetencat e komunës, pas së cilës do të vendoset për statusin e tij të mëtutjeshëm në procedurë”, njoftuan nga Prokuroria.
Në zjarrin e ndodhur më 16 mars kanë humbur jetën 59 persona, ndërsa mbi 140 të lënduar janë trajtuar brenda dhe jashtë vendit.
Sipas hetimeve të deritanishme nga institucionet, diskoteka nuk kishte rrjet hidranti dhe mjaftueshëm aparate PP, përdoreshin materiale piroteknike në mënyrë të paligjshme, nuk kishte as leje pune të ligjshme dhe nuk ishte lidhur asnjë kontratë me shkrim mes organizatorit dhe grupit interpretues.
Mesazhi prekës i Hashim Thaçit “Në spital të thashë lamtumirë, babë. Nga Haga të them, mirupafshim në parajsë”
Qytetarë të shumtë në Burojë për t’i dhënë lamtumirën e fundit babait të Thaçit
32-vjeçari nga Kumanova ndërron jetë në spital, autoritetet po hetojnë rastin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve