Lajme nga vendi
Kurban Bajrami, qytetarët ankohen për çmimet e larta
Një ditë para festës së Kurban Bajramit, kështu dukej sot tregu i Bitpazarit.. Qytetarë të shumtë kanë lënë që përgatitjet e fundit për bajram t’i bëjnë një ditë para festës. Tregu është i mbushur plot, por qytetarët gjithnjë e më shumë shkurtojnë listën e blerjeve për shkak të çmimeve të larta. Thonë se blejnë vetëm gjërat e domosdoshme.
“Çmimet e ditur është, 80 denarë domatet, 120 denarë specat. Për rroba mos të flasim më, një këmishë atje 1000 denarë, nuk arrihen…Kemi mar diçka diçka, për fëmijët kemi marrë diçka sa kemi pas mundësi”, tha një qytetar.
“Në tavan janë çmimet sot, shtrenjtë.
Çfarë keni blerë?
Asgjë, nga një kilogram, gjysmë kilogrami, s’ka të holla më shumë. Shumë shtrenjtë. Dje ka qenë më lirë, sot janë më shtrenjtë.. S’ka aty, një pension e merr 12 mijë denarë a një kilogram speca 120 denarë”, shtoi një qytetar tjetër.
“Çmimet mos pyet, katastrofë…
-A i keni marë gjërat e zakonshme?
Disa gjëra po, disa jo, pasi çmimet janë të larta, rrogat e vogla, ky është problemi..
-A ju keni marrë fëmijëve për këtë vit?
Jo fëmijëve këtë vit jo, nuk arrihe”, shtoi një qytetar tjetër.
Se çmimet janë të larta pajtohen edhe disa nga shitësit, ata thonë se po punojnë me fitim minimal, por kërkesa gjithnjë e më shumë po zvogëlohet dhe shkak për këtë, sipas tyre, janë të ardhurat e ulëta të qytetarëve.
“ Po ankohen se s’kanë, rrogat janë të dobëta dhe për atë shkak ata ankohen. Çmimet sipas standardit që e kemi, janë të larta, por nuk kemi ku shkojmë. Ne përqindjen më të ulët të fitimit që e kemi në treg, nuk është askund tjetër përqindje më e ulët. Çfarë të bëjmë ”, tha një shitës.
“Çmimet janë të volitshme, si gjithë bajramët e tjera. Shitje ka, interesimi është i madh. Pa bakllavë nuk ka bajram, nuk janë shumë çmimet e shtrenjta, bakllava është shitur e gjitha, edhe kadaif na ka mbet, por besoj se edhe kadaifi do të harxhohet..Një kilogram bakllavë është 200 denarë, edhe një kilogram kadaif është 200 denarë”, theksoi një shitës tjetër.
Kurban Bajrami është një nga dy festat e besimtareve mysliman. Kjo festë ndryshe njihet edhe si festa e flijimit, ku sipas traditës islame, nderon gatishmërinë e profetit Ibrahim që të flijojë djalin e tij si vepër e nënshtrimit ndaj urdhërit të Zotit. Në këtë festë besimtarët myslimanë therrin një kafshë të cilën e ndajnë në tri pjesë, familja mban njërën, njërën ndajnë me të afërmit shokët dhe fqinjët, ndërsa pjesën e tretë e ndajnë me të varfërit dhe nevojtarët./Alsat.mk
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
