Connect with us

Lajme nga vendi

Përfundon viti shkollor për nxënësit e shkollave të mesme, filloristët do të kenë mësim deri më 17 qershor

Published

on

Viti shkollor 2023/2024 ka përfunduar për nxënësit e shkollave të mesme, ndërsa nxënësit e shkollave fillore konform me vendimin vjetor për organizimin e mësimit deri në pushimin veror kanë edhe një javë pune

Përfundimi i vitit shkollor më 17 qershor është caktuar për të gjithë nxënësit, por Ministria e Arsimit dhe Shkencës (MASH) i doli në ndihmë kërkesës së Unionit të gjimnazistëve.

“Në Ligjin për arsimin fillorë janë caktuar saktë numri i ditëve të punës (180), pra në arsimin fillor. Në Ligjin për arsimin e mesëm nuk është caktuar detyrimi ligjor për numrin e saktë të ditëve të punës. Të gjitha vendimet merren në konsultim me ata që janë të prekur në këtë aspekt. Sindikata e nxënësve të shkollave të mesme ka kërkuar që përveç pushimit pranveror, arsimi i mesëm të përfundojë në 10 qershor, për shkak të procedurave administrative të regjistrimit të fëmijëve në arsimin e lartë. Këtë e lejonte ligji dhe ne këtu vepruam“, tha kohë më parë ministri i Arsimit dhe Shkencës, Jeton Shaqiri.

Edhe filloristët edhe gjimnazistët këtë vit kishin pushim pranveror nga 26 prilli deri më 6 maj të vitit 2024.

Maturantët në dy të shtunat e kaluara i janë nënshtruar dy provimeve eksterne nga provimi shtetëror i maturës dhe rezultatet duhet t’i presin më së voni deri më 8 korrik.

Advertisement

Semimaturantët, nga ana tjetër, këtë muaj janë gati të regjistrohen në arsimin e mesëm. Regjistrimi i nxënësve në periudhën e afatit të qershorit do të bëhet në dy afate. Sipas konkursit për regjistrim në arsimin e mesëm, regjistrimi i parë elektronik do të bëhet nga data 20 deri më 25 qershor dhe i dyti më 1 dhe 2 korrik.

Aplikimi është në mënyrë elektronik përmes linkut në portalin për shërbime elektronike të Ministrisë së Arsimit dhe Shkencës (e-uslugi.mon.gov.mk).

Lajme nga vendi

Snopçe apel BDI-së: pastroni rrugën tuaj është në interesin e të gjithëve 

Published

on

Deputeti i koalicionit VLEN, nga radhët e ASH-së, sot nga foltorja e Kuvendit ka drejtuar një apel partisë opozitare shqiptare, BDI-së, nga ku ka kërkuar që të vazhdojnë me reformim. Sipas Snopçes reformimi i BDI-së është në interesin e përgjithshëm. “Apeli im ndaj BDI-së për tu reformuar. Vetëm reformimi prej së vërteti është në interes të popullit. Vërtetë që keni pasur shumë goditje kohët e fundit. Goditjet do të vazhdojnë sepse duhet dhënë llogari edhe për të bëmat, por edhe për të pabëmat që duhej të kishit bërë. Duhet të dini se të gjithë rufetë nuk të godasin për të prishur jetën. Disa prej tyre të godasin edhe për të ta pastruar rrugën. Prandaj bëj apel, pastroni rrugën tuaj gjë që është në interesin e përgjithshëm”, ka deklaruar deputeti i VLEN, Halil Snopçe. Ai gjithashtu shtoi se përmirësimi i gabime është i natyrshëm dhe duhet të ndodhë. Sipas tij kur nuk përmirësohen gabimet kjo bënë problem të vërtetë. „Nëse bënë gabim nuk e korrigjon gabimin ky është gabimi i vërtetë, prandaj edhe lapi ka gomën se kush shkruan mund të gabojë“, përfundoi deputeti Snopçe
.https://www.facebook.com/share/v/1FMsJDg5bh/

Continue Reading

Lajme nga vendi

Janev për alarmet për bomba në shkolla: Gjendja e sigurisë është stabile, kemi gjurmë se nga vijnë kërcënimet

Published

on

Drejtori i Byrosë për Siguri Publike Aleksandar Janev, sot nga Tetova ka folur në lidhje me alarmet për vendosje të bombave nëpër shkolla. Janev tha se gjendja e sigurisë është stabile dhe kërkoi nga qytetarët të jenë të qetë.

Ai tha se autoritetet kanë gjurmë se prej nga vijnë këto alarme, por tha se nuk do të jep informacione të detajuara.

“Gjendja e sigurisë është stabile, nuk ka nevojë për panik, të gjithë qytetarët, prindërit dhe nxënësit duhet të jenë të qetë. Bëhet fjalë për alarme të rrejshme. Jemi duke hetuar qëllimin e këtyre alarmeve, së bashku me Interpolin dhe Europolin”.

“Kemi disa gjurmë, gjithashtu komunikojmë me kolegët tanë nga Kroacia dhe Hungaria, të cilat para disa ditësh po ashtu kanë pasur raste të njëjta. Autoritetet policore kanë kryer kontrolle aty ku është dashur. Kemi protokolle se si duhet të veprojmë në këto raste. Jemi të gatshëm për t’u përgjigjur ndaj të gjitha sfidave dhe do të jemi pranë qytetarëve. Kërcënime ka pasur dhe do të do ketë”, tha Janev.

Ndryshe, sot në mëngjes në shkolla të disa qyteteve në vend në adresat elektronike është dërguar kërcënim për vendosje të mjeteve shpërthyese, ndërsa këto kanë shkaktuar panik tek nxënësit, të cilët janë evakuuar nga objektet shkollore.

Advertisement
Continue Reading

Lajme nga vendi

KRRE: EVN Home t’i korrigjojë faturat e rrymës dhe të bëjë shpërndarje adekuate në blloqe

Published

on

Komisioni Rregullator për Energjetikë, Shërbime Ujore dhe Shërbime për Menaxhim me Mbeturina Komunale të Republikës së Maqedonisë së Veriut (KRRE) informon se (në bazë të Sistemit tarifor për shitje të energjisë elektrike të konsumatorëve të cilët i furnizon furnizuesi universal në afat të fundit, neni 10 paragrafi 8), të gjitha amvisëritë të cilat kanë marrë fatura për energji elektrike dhe kanë për herë të parë konsum të faturuar në bllokun e katërt, EVN Home është e detyruar t’i korrigjojë faturat për energji elektrike dhe të bëjë shpërndarje adekuate për energjinë elektrike dhe të bëjë shpërndarje adekuate në blloqe sipas historisë të konsumit mesatar të amvisërisë gjatë tri periudhave të fundit llogaritëse.

Konsumatorët të cilët janë të pakënaqur nga llogaritja e energjisë së shpenzuar dhe vlerës së faturës, (sipas nenit 37 nga Ligji për energjetikë, Rregullat për furnizim të energjisë elektrike dhe Rregullave për parashtrimin e ankesave dhe zgjidhjen e kontesteve, konsumatorët për çdo faturë), shtohet në kumtesë, kanë të drejtë të bëjnë ankesë për furnizuesin universal EVN HOME.

“Nëse konsumatori nuk është i kënaqur me përgjigjen e marrë ose nuk merr përgjigje brenda afatit të përcaktuar me ligj (8 ditë), ka të drejtë të paraqesë ankesë pranë KRRE-së si organ i shkallës së dytë. Nuk ka ndonjë formë/formular specifik të paraparë për ankesën në KRRE dhe ata duhet t’i bashkëngjisin asaj: një kopje të ankesës së paraqitur në EVN HOME, përgjigjen nga EVN HOME dhe një kopje të faturës për të cilën ankohen. Ankesa mund të dorëzohet në arkivin e KRRE -së ose në mënyrë elektronike me email në erc@erc.org.mk dhe potrosuvaci@erc.org.mk”, sqaron KRRE-ja dhe shton se pala e pakënaqur mund të iniciojë kontest administrativ kundër vendimeve të KRRE-së.

Nga 1 janari i vitit 2025 çmimi i rrymës për konsum mesatar në të gjitha katër blloqet është rritur për më pak se një për qind (0,92 %). Konkretisht në bllokun e parë çmimi është rritur për 0,68%, përderisa në bllokun e dytë çmimi është rritur për 0,90 %.

Komisioni Rregullator për Energjetikë, Shërbime Ujore dhe Shërbime për Menaxhim me Mbeturina Komunale, nënvizohet në kumtesë, ju bën thirrje partive politike të mos i politizojnë vendimet e KRRE-së i cili është organ i pavarur.

Advertisement
Continue Reading

Më të lexuarat