Ndaj formimit të frontit europian ka reaguar koalicioni opozitar VLEN. Nga atje thonë kreu i BDI-së Ali Ahmeti e ka humbur busullën politike dhe po përpiqet të gjejë shpëtimin tek Zejdi dhe të tjerët të cilët nga VLEN i quajnë figura të paplotësuara e që shfaqen si kameleonë në politikën vendase, transmeton TV21.
Nga VLEN thonë se pikërisht BDI ka ndihmuar shtrimin e ndikimit rus në Maqedoni përmes kazino-bizneseve serbe, përmes Daka Davidoviqit, Soravisë, planet për kthimin e Gruevskit dhe ardhjen e Sergej Lavrovit në Shkup. 8 maji po afrohet dhe BDI do të përballet me realitetin, thonë nga koalicioni VLEN.