Ministri i Ekonomisë, Kreshnik Bekteshi nga radhët e BDI-së në një dalje për media i bëri thirrje çdo anëtari dhe simpatizanti të BDI-së që të japin kontribut që ideja, vizioni dhe program i z.Ahmeti dhe i qytetarëve të ngadhënjejë që të fitojnë të gjithë shqiptarët por edhe qytetarët e tjerë.
‘’Me rëndësi është ekipi dhe BDI këtë e ka dëshmuar edhe në të kaluarën që në mënyrë ekipore çdo herë shënon fitore. Në Bashkimin Demokratik për Integrim i pakontestueshëm është lideri z. Ali Ahmeti dhe është obligim i çdo anëtari të BDI-së që të japin kontributin e vet që ideja, vizioni dhe programi i z. Ahmetit të ngadhënjejë dhe në atë mënyrë të fitojnë edhe shqiptarët por edhe krejt qytetarët e Maqedonisë së Veriut me integrimin e vendit në Bashkimin Europian.