Goce Ristov dje ka dorëzuar në KSHZ iniciativën e tij për mbledhjen e nënshkrimeve. Ai është kandidati i 14-të që do të tentojë të arrijë numrin prej 10 mijë. Në rubrikën e fundit, nga dje shihet se ai nuk ka mbledhur asnjë nënshkrim.
Goce Ristov sot dorëzoi në Komisionin Shtetëror Zgjedhor Iniciativë për mbledhjen e nënshkrimeve për kandidaturën për President të Republikës së Maqedonisë. Nënshkrimet do të mblidhen në drejtoritë/zyrat rajonale të Komisionit Shtetëror të Zgjedhjeve në mbarë vendin, njoftoi dje KSHZ.
Në garën presidenciale kanë hyrë tashmë 7 kandidatë.
Bujar Osmani ishte i pari që arriti në 10 mijë, i ndjekur nga Taravari, Dimitrievski, Vankovska, Jakimovski, Siljanovska dhe Pendarovski.
Kandidatët që arritën në 10 mijë nuk po organizojnë më mbledhjen e nënshkrimeve, ndaj numri i tyre sot është pothuajse identik me atë të djeshëm.
