Rasti Feniks konfirmon “fytyrën reale kriminale të OBRM-PDUKM-së, thuhet në kumtesën e sotme të LSDM-së.
Sipas LSDM-së, 15 persona, mes të cilëve edhe ish zyrtarë të lartë të OBRM-PDUKM-së, dyshohen se kanë keqpërdorur 57 milionë euro nga paratë e qytetarëve për 11 përmendore nga Shkupi 2014.
“Për 11 vjet OBRM-PDUKM e mbajti vendin në izolim dhe varfëroi popullin vetëm për të pasuruar individë nga Pallati i Bardhë. Nuk ka asnjë ndryshim në DPMNE, partia e vetme në Evropë që ka konfiskuar në shpinën e qytetarëve pasurinë e dëshmuar të fituar në mënyrë të paligjshme me vendim gjykate.
Vendime të shumta gjykatash për dënime me burgim afatgjatë, njëqind të dënuar aktualë dhe ish-funksionarë të partisë së DPMNE-së, përfshirë edhe për shoqatë kriminale. Të gjitha këto janë fakte që nuk flasin mirë për OBRM-PDUKM-në”, akuzojnë nga LSDM.
Nga atje shtojnë se në vend që lideri i partisë Hristijan Mickoski të kërkojë zbardhjen e plotë të të gjitha rasteve dhe përgjegjësinë për të gjithë ata që kanë shkelur ligjin, ai po mbron krimin e OBRM-PDUKM-së.
