Tre fitore të skuadrave vendase, një barazim dhe një fitore e ekipit mysafirë, 14 gola të shënuar dhe një karton të kuq është epilogu i ndeshjeve të javës së 32-të dhe të parafundit në Ligën e Parë të futbollit vendor. Struga Trim Lum është kampion, Shkupi nënkampion, Shkëndija e treta, janë skuadrat që do ta përfaqësojnë vendin në garat europianeNë stadiumin e qytetit në Tetovë, ndeshja mes Shkëndijës dhe Struga Trim Lum filloi me një ceremoni rasti, ku skuadra vendase uroi titullin kampion mysafirëve nga Struga, ndërsa drejtori sportive Harun Isa dhuroi një mirënjohje ekipit kampion.Sa i përket ndeshjes në fushë gjelbërt u zhvillua një ndeshje cilësore me raste të shumta dhe tre gola të shënuar. Vendasit kaluan në epërsi në minutën me golin e Adenis Shalës në minute e 58. Ndërsa lojtari më mire i kësaj ndeshje Bunjamin Shaban i ishte autor i dy golave për fitoren e kampionit të ri me rezultat 1 me 2. Me këtë rast trajneri i Shkëndijës Qatip Osmani uroi ekipin e Strugës për titullin kampion.
Në stadiumin e Çairit, Shkupi mundi bindshëm Makedonija Gjorçe Petrov me rezultatin 3:0. Autor të dy golave ishte Adetunxhi dhe një gol shënoi Ali. Ndersa, Tikveshi në Kavadar shënoi fitore të thellë 4-0, ndaj Skopjes e cila për të mbijetuar do të luan në balotazh me ekipin e Vardarit. Breagallnica barazoi me Akademia Pandevi 1:1, ndërsa Sileksi mundi Rabotniçkin me shifra 2:1.
