“Paragu prej 5% i propozuar nga BDI nuk është në funksion për të siguruar stabilitet politik, por për të siguruar një vend të sigurt dhe pushtet të përjetshëm. Kjo është arsyeja e vetme që kjo parti insiston në kushte të pamundshme për shumicën e partive”, thuhet nga partia politike e Djathtë.
“E Djathta e përkrah propozimin për një zonë zgjedhore pa prag zgjedhor. LSDM-ja dhe VMRO-DPMNE-ja duhet edhe një herë të ndalen me politika hipokrite drejt përmbushjes së këtij kushti dhe të japin mbështetje të plotë dhe të sinqertë duke zbatuar ndryshimin e modelit zgjedhor, gjegjësisht që Maqedonia të jetë një njësi zgjedhore pa konsensus etj…
Modeli i një njësie zgjedhore është e sakt dhe e drejtë dhe është pasqyrë e demokracisë së vërtetë dhe në zgjedhje do të pasqyronte vetëm vullnetin real të votuesve.
Me modelin aktual LSDM, VMRO-DPMNE dhe BDI ua marrin votat partive më të vogla politike. Në fund të fundit, edhe Ambasada Amerikane edhe Delegacioni Evropian kanë dhënë mendim pozitiv dhe mbështetje për ndryshime të tilla në të kaluarën.
Për çfarë destabiliteti politik flet përfaqësuesi i BDI-së nëse vullneti i çdo qytetari të Maqedonisë respektohet pa përqindje?! As demokracia, as qytetarët, as shteti nuk duhet të jenë peng i disa partive politike. Dhe LSDM-ja dhe VMRO-DPMNE-ja duhet të çlirohen nga pengu i BDI-së dhe të mos ia marrin të drejtën e përfaqësimit dhe paraqitjes në legjislaturën maqedonase të çdo qytetari që dëshiron të votojë dhe do të votojë!”, thuhet në deklaratën e partis politike e Djathta.А1он
