Në Gjykatën Themelore në Tetovë është anuluar seanca për shkak të mungesës së Florin Besimit ,ish drejtor i Spitalit të Tetovës
Në seancën e sotme duhej të jepeshin fjalët përfundimtare të Prokurorisë dhe mbrojtjes së të akuzuarve të cilët ngarkohen për disa vepra penale lidhur me zjarrin në spitalin modular në shtator të vitit 2021, kur humbën jetën 14 persona.
Gjykata e Tetovës, sot fjala përfundimtare për rastin tragjik me Spitalin modular!
Pas përfundimit të seancës së 11 për zjarrin në Spitalin modular në Tetovë, sot priten fjalët përfundimtare nga ana e drejtësisë.
Në seancën paraprake u morrën në pyetje edhe dy punonjës të sigurimit dhe një mjek specialist .Zjarri që shpërtheu në spitalin modular të Tetovës në vitin 2021 morri jetën e 14 personave.
Në seancë gjyqësore ishin marrë në pyetje poashtu edhe profesorët universitarë të cilët në procedurën parahetimore kishin përgatitur të dhëna të ekspertëve dhe mendim në formë të shkruar, si dhe dy motra medicinale, të angazhuara në spitalin modular.
Të akuzuarit, drejtorët Florin Besimi dhe Artan Etemi, mjeku Boban Vuçevski dhe përfaqësuesi i Spitalit Klinik në Tetovë si person juridik në fillim të gjykimit theksuan se e kuptojnë akuzën, por nuk e pranojnë fajin dhe se nuk i kishin kryer veprat për të cilat akuzohen.
Gjykimi për zjarrin që ndodhi më 8 shtator të vitit 2021, kur jetët i humbën 14 persona, ndërsa dhjetëra të tjerë ishin lënduar filloi më 7 dhjetor 2022 pasi nga shtatori i vitit 2022 deri atëherë procesi gjyqësor ishte shtyrë disa herë.flaka.