Ambasadori i Paqes dhe Presidenti i Institutit për Zhvillim dhe Bashkëpunim në Francë dhe Gjenevë, Z. Tahir Shabani e ka uruar televizionin e parë në gjuhën shqipe në Maqedoninë e Veriut, TV Koha në 30-vjetorin e themelimit.
Z. Tahir Shabani ka shprehur mirënjohje për themeluesin dhe stafin e Televizionit Koha, për merita dhe kontributin e dhënë në informacione të sakta, si dhe autor i shumë programeve në cilësi të lartë.
“Autor i emisioneve dhe kronikave të nivelit profesional, meritoni vlerësime dhe ju falënderojmë për angazhimet për respekt të Kodit të Etikës së Gazetarisë, së bashku me stafin e mrekullueshëm nga Instituti për Bashkëpunim dhe Zhvillim me seli në Francë dhe Gjenevë”, thotë mes tjerash Z. Shabani.
Po ashtu në urim veçohet kontributi i dhënë për realizimin emisioneve me atmosferë pozitive dhe argëtuese dhe për Festivalin për Fëmijë “Bletëza”, duke promovuar vlerat kombëtare shqiptare dhe të mërgimtarëve për integrimin e tyre në mbarë diasporën.
“Nderime dhe vlerësime për 30-vjetorin e themelimit të Televizionit Koha Z. Mevaip ABDIU, vërtetë jeni ambasador i paqes botërore dhe vlerave kulturore, së bashku me stafin e mrekullueshëm dhe program të nivelit profesional, meritoni çdo konsideratë dhe falënderime për promovimin e shqiptareve të suksesshëm dhe imazhin e kombit në diasporë”, thuhet në urimin e Z. Shabani.
