Lajme nga rajoni
Kosovë, me protestë u kërkua drejtësi për viktimat e dhunës në familje
Dita e Gruas sot në Kosovë nisi me protestë para Pallatit të Drejtësisë. Kolektivi “Marshojmë, s’festojnë“ nga hapësirat e Pallatit nisën marshin protestues përmes të cilit kërkuan drejtësi për gratë e dhunuara, transmeton Syri.net.
“Vrasjet e grave janë të paralajmëruara”, “Siguri për gra në hapësira private e publike”, “Poshtë patriarkati”, “Edhe sa gra të vrara”, “Gjykata i ka duart me gjakun e grave”, ishin disa nga pankartat që e përfaqësonin këtë protestë.
E mbijetuara e dhunës në familje, Elmedina Hajdari u shpreh se sot përmes kësaj proteste kërkon drejtësi për të gjitha gratë e dhunuar të cilat shpesh bëhen siç tha ajo fajtore për dhunën që përjetojnë.
Ajo tha se për shkak të neglizhencës nga Policia dhe Prokuroria shumë raste të raportuara të dhunës nuk janë hapur.
“Si e mbijetuar e dhunës në familje, kam raportuar rastin në vitin 2021 dhe ka 2 vite që po luftojë për drejtësi. Prej që kam raportuar rastin ne 2021, u bënë dy vite që kur po luftojë për drejtësi dhe të drejtat e mija. Për afër dy vite nga urdhër mbrojtja shkak I dhunës psikike sistematike unë qëndroj sot para jush si e mbijetuar e dhunës dhe si një grua e cila ka hasur në shumë dhunë e padrejtësi, jo vetëm prej dhunuesit, por edhe prej shtetit. Unë jam dëshmitare e neglizhencës, mosbesimit dhe padrejtësive të vazhdueshme që u bëhen grave nga Policia, Prokuroria e Gjykata. Mjafton tu përmendi që në Polici janë shumë raste që nuk janë hapur për shkak të neglizhencës të Policisë dhe Prokurorisë“, tha ajo.
E mbijetuara e dhunës në familje, Elmedina Hajdari, u shpreh se përkundër provave të mjaftueshme Gjykata Themelore në Drenas ish bashkëshortin që ndaj saj ushtroi dhunë sistematike e dënoi me dënim të ulët.
Ajo u shpreh se aktualisht është në pritje të vendimit nga gjykata për dhunën që vëllai i ish-bashkëshortit kishte ushtruar ndaj saj, për çka pret dënim meritor.
Hajdari theksoi se nëse nuk ka drejtësi në Kosovë lëndën e saj do ta dërgojnë në organet e drejtësisë jashtë vendit.
“Përkundër provave të vazhdueshme që i kam ofruar në gjykatë për dhunën që po bëhej e vazhdon të më bëhet dënimi që ish bashkëshorti ka marr nga Gjykata Themelore e Drenasit është tepër i ulët….Unë nuk jam dorëzuar dhe nuk do të dorëzohem kurrë, dhe thërras çdo grua që të luftojë dhunën dhe mos ta mbajë të fshehur brenda burrave sepse nuk është marre për neve gratë që të raportojmë për dhunuesit që përdorin dhunë. Fjala e fundit e imja është edhe nëse gjykata ku jetoj, jep vendimin jo meritor dhe më paragjykon mua si grua, do të kërkoj drejtësi në gjykatat e Apelit dhe Supreme dhe nëse nuk ka drejtësi në shtetin tonë në Kosovë lëndën time do ta dërgoj jashtë vendit”, u shpreh ajo.
E mbijetuara për dhunë në familje, Elmedina Hajdari kërkoi mbështetje për luftën e grave për të jetuar pa dhunë.
Marshi protestues i cili nisi nga Pallati i Drejtësisë ka vazhduar drejt objektit të Qeverisë së Kosovës
Policia e Kosovës po e heton një rast “shtytje në vetëvrasje” pasi tri nxënëse në Gjakovë të hënën kanë lënduar veten në duar.
Të miturat janë dërguar për trajtim mjekësor, derisa rastin e ka dërguar në Polici Drejtoria Komunale e Arsimit. Autoritetet policore thanë për KOHËN se dyshohet se kjo ka ndodhur si pjesë e një fenomeni në TikTok.
“Drejtoresha e DKA-së ka njoftuar se tri nxënëse janë viktima të fenomenit të vet–lëndimit. Tri viktimat femra kosovare të mitura, janë dërguar në tretman mjekësor. Rasti duke u hetuar”, thuhet në raportin policor.
“Nammos”, një nga restorantet më të njohura të ishullit idilik grek, Mykonos, është gjobitur nga autoritetet helene me 3.1 milionë euro, për shkak të shkeljeve të shumta tatimore dhe evazionit fiskal.
Vetëm për vitin 2018-2019, shuma e evazionit fiskal në restorantin e ndodhur në Mykonos, i cili menaxhohet nga Zannis Francescos dhe Sami Ibrahim, është 1.562.529.81 euro dhe së bashku me gjobën dhe shtesat arrin në 3.119.434.51 euro në total.
Gjoba iu komunikua dy prej tre themeluesve të restorantit të famshëm mikonian që drejtojnë biznesin. Kontrolli do të vazhdojë edhe për vitet e ardhshme financiare, ndërkohë që sipas informacioneve, përveç evazionit fiskal dhe shmangies së tatimeve të zbuluara nga kontrolli i AADE-së, ka edhe ankesa të shumta nga punonjësit e “Nammos” në Mykonos për trajtimin e tyre.
Borxhet dhe statusi
Sipas kontrollit të kryer nga një ekip i AADE-së, vetëm për vitin 2018-2019 kompania përgjegjëse për restorant Nammos që ndodhet buzë detit nuk ka paguar TVSH, FMY (Taksa e Shërbimeve të Punësimit), pullat dhe tatimin mbi të ardhurat.
Më konkretisht, shuma e TVSH-së arrin në 47,993.12 euro, pra është pak më e ulët se ajo prej 100,000 euro ose më shumë që sjell ndjekje penale për veprën konkrete të mospagesës së taksës specifike. Dy ortakët menaxhues gjithashtu nuk i kanë kthyer shtetit TVSH-në prej 129,150 euro dhe 21,027,78 euro si dhe dy pulla përkatësisht 110,043,20 dhe 382,707,29 euro.
Së fundmi, tatimi mbi të ardhurat prej 871,608,42 euro nuk është paguar, ku totali i borxheve ka arritur në 1,562,529,81, ndërsa llogaritari i “Nammos”,Chrysostomos Koukovinos, me gjasë nuk ka pasur përgjigje bindëse gjatë kontrollit.
Pavarësisht evazionit fiskal të zbuluar nga auditorët, të dy partnerët vazhdojnë të bëjnë një jetë luksoze jashtë kufijve grekë me Zanni Francesco që është vendosur p në Monako dhe Sami Ibrahimin në Dubai. Dy partnerët bashkë-menaxherë janë të përfshirë në regjimin specifik të menaxhimit të ‘Nammos’ duke krijuar një labirint prej të paktën 58 kompanish IKE, tek të cilat dyshohet se transferojnë detyrimet e tyre financiare dhe nxjerrin likuiditet për nevojat e tyre personale. (A2 Televizion)
Lajme nga rajoni
I jep fund jetës astrologu i njohur shqiptar, ishte i pranishëm shpesh në emisionet televizive
Detaje të reja janë bërë me dije nga ngjarja e rëndë në Korçë, ku një 45-vjeçar i dha fund jetës duke u hedhur nga kati i pestë i pallatit ku jetonte.
Bëhet fjalë për Jofiel Koço, i cili është i njohur publikisht si astrolog.
U raportua se 45-vjeçari u ngjit në tarracën e pallatit ku banonte i vetëm dhe prej andej u hodh, duke rënë fillimisht mbi çatinë e një ndërtese fqinje dhe më pas në asfalt, ku humbi jetën në vend.
Koço, përveç se kishte një aktivitet të vogël tregtar me vajra automjetesh dhe produkte të tjera që shpërndante në dyqanet e qytetit, njihej edhe si astrolog. Ai ishte shpesh i pranishëm në emisione televizive ku interpretonte yjet.
ISHSSH e publikoi raportin për foshnjën e vdekur 14-muajshe
Tri të mitura në Kosovë vetëlëndohen në duar, dyshohet se u nxitën nga Tik-Toku
Dita e premte ditë jopune për të gjithë qytetarët e Maqedonisë së Veriut
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve