Gjykata Penale në Shkup ka shpallur fajtorë tre të akuzuarit për vrasjen e hendbollistit Denis Tot që ndodhi më 7 prill sivjet.
Kështu, dënime me burg morën të akuzuarit:
Anxhelo Gjorgievski – 18 vite burg
Klementina Levkovska 18 vite burg
Andrej Kostovski – 16 vite burg.
Ndaj këtij vendimi , të drejtë për ankesë ka mbrojtja deri te Gjykata e Apelit.
Gjykatësja tha se Anxhelo dhe Klementina kanë patur kontribut më të madh në kryerjen e veprës. Për Anxhelon tha se i pari ka goditur Denisin, ndërsa Klementina është ajo e cila më së shumti nga të gjithë e godet të ndjerin.
Përskaj dënimint me burg, gjykata ka vendosur që të akuzuarit t’i paguajnë dëmshpërblim familjes së hendbollistit me nga 9 milion denarë për nënën dhe babain, ndërsa nga 8 milion denarë për vëllaun e Denis Tot.
Procesi gjyqësor për këtë rast nuk zgjati edhe shumë. Filloi më 5 shtator dhe përfundoi sot më 30 nëntor, pothuajse 3 muaj./Zhurnal.mk