Me rastin e 22 Nëntorit, Ditës së Alfabetit të Gjuhës Shqipe, Kryetari i Komunës së Bogovinë z. Besnik Emshiu ka shprehur urime për pjesëtarët e kombit shqiptar.
Postimi i plotë:
Unifikimi i alfabetit të gjuhës shqipe, vulosë bashkimin shpirtëror dhe kulturor të shqiptarëve kudo që jetojnë në mbarë botën.
Ne përkulemi me nderimin më të madh për të gjithë aktorët e kësaj ngjarje historike dhe dinjitetshëm e nderojmë ditën e Alfabetit të gjuhës shqipe.
Kongresi i Manastirit u zhvillua mes 14-22 nëntorit të vitit 1908 dhe në të morën pjesë 50 delegatë nga 26 qytete të ndryshme, klube dhe shoqata.
U miratua vendimi që të pranohet alfabeti latin me disa ndryshime të shkronjave duke i adaptuar ato për gjuhën shqipe.
Urime 22 Nëntorin, Ditën e Alfabetit të Gjuhës Shqipe,si vlerën më të lartë civilizuese të Kombit tonë.
