Lideri i Lëvizjes BESA, Bilall Kasami, në “Euronews Albania” deklaroi se në Frontin Europain ka shumë tensione dhe përçarje, për çka shpreson që të mos eskalojnë në incidente më të mëdha. Ai theksoi se shembull i gjendjes së tensionuar në Frontin Europian janë edhe incidenet dhe reagimet e bartësve të tyre në Njesinë e 5-të zgjedhore.

“Para disa ditëve u dështoi një tubim në Strugë, ku pastaj doli edhe reagimi i njërit nga bartësit e Zonës 5, pra njëri nga bartësit e Frontit Evropian, ku siç duket ka pasur tensione në mes të grupit të tij dhe grupit të kryetarit të Komunës së Strugës, Ramiz Merko. Pra, kjo garë besoj të përfundojë pa ndonjë incident më serioz, sepse ne si koalicion opozitar, si VLEN, nuk jemi të interesuar që të ketë tensione, për shkak se vlerësojmë se votuesit tani janë votues familjar të cilët duan një ambient të qetë politik për të dalë me familjet e tyre për të votuar për ndryshimin të cilin e presin”, ka thënë Kasami.
Kreu i Lëvizjes BESA tha se listat e koalicionit VLEN janë të pastra dhe nuk ka persona që janë të shkruar në Listën e Zetë të SHBA-së.

“Ne jemi shumë të sigurt dhe po e themi shumë hapur se nuk ka dhe nuk do të tolerojmë një person i tillë të jetë pjesë e Koalicionit VLEN, apo të jetë në listat e Koalicionit VLEN. Ne kemi qenë të kujdesshëm në përpilimin e listave për deputet që në asnjë moment të mos kemi asnjë person me biografi të dyshimtë dhe që të jemi me lista të pastra, gjë që nuk ndodh në anën tjetër. Atë që përmenda më herët, në Strugë edhe pse BDI kishte deklaruar se ishte e distancuar nga kryetari i Komunës së Strugës, ai është pjesë aktive e kampanjës së BDI në Zonën 5 dhe kjo në fakt po ju sjell tensione dhe po i rikthen konfliktet e së kaluarës në mes të ASH dhe BDI-së dhe BDI ka pjesë të strukturave të saj persona nongrata, ka persona që në të asrdhmen të jenë nëpër këto lista të zeza”, deklaroi kryetari i Lëvizjes BESA, Bilall Kasami.

Ai foli edhe për euforinë që është krijuar në mbështetje të Koalicionit VLEN në të gjitha vendbanimet shqiptare, ku theksoi se qytetarët si asnjëherë më parë rreshtohen rreth VLEN-it dhe presin të vijë ndryshimi.

Sindikata e Pavarur për Arsim, Shkencë dhe Kulturë (SASHK) ka shprehur shqetësimin e saj në lidhje me vendimin e Ministrisë së Arsimit dhe Shkencës për të mbajtur ditët e punës së 24 prillit dhe 8 majit, të cilat janë shpallur “jo pune” për shkak të zgjedhjeve presidenciale dhe parlamentare.

Kryetari i SASHK, Jakim Nedelkov, ka kërkuar që ministri Jeton Shaqiri të tërheqë menjëherë letrën e dërguar shkollave që i detyron të punojnë në këto ditë të shpallura “jo pune” nga Qeveria.

“Që kur ditët jopune bëhen punë brenda natës?” – tha Nedelkov. Ai gjithashtu shtoi se kjo vendim iu ngjan diskriminues punonjësve të shkollave fillore, duke theksuar se ata janë të vetmit në sektorin publik dhe privat që duhet të punojnë në këto ditë të caktuara si “jo pune”.

Nedelkov gjithashtu kritikoi faktin që vitet e tjera shkollore kanë përfunduar me më pak se 180 ditë pune, duke theksuar se ka pasur raste kur Ministria e Arsimit ka pranuar këtë praktikë. Kjo, sipas tij, e bën vendimin aktual të Ministrisë së Arsimit të padrejtë dhe të papranueshëm.

SASHK ka bërë thirrje për respektimin e të drejtave të punonjësve në arsim dhe kërkon një rishikim të vendimit të Ministrisë së Arsimit në përputhje me kërkesat dhe interesat e tyre. /Telegrafi/

Advertisement

Sot, në moshën 76 vjeçare ndërroi jetë Jonuz Jakupi nga Kumanova. Kur folët për çështjen kombërare, sakrificën, ilegalen, pavarësiane Kosoves, lufta e 2001, UÇK etj nuk ka mundësi që mos të asocojnë me Jonuz Jakupin. Ai shquhet si një njeri i cili ka vepruar cështjen kombëtare. Veprimtaria e tij filloi qysh herët ne Maqedoni dhe duke vazhduar në Zvicër largë familjes së tij. Vyrtytet e tij kanë qenë guximi, sinqeriteti dhe sakrifikimi për të mirën e popullit të tij. Ëndërra e tij ishte që shqiptarët të mos diskriminohen por të jenë të barabarte me bashkëqytetarët e tjere, që të shkollohen në gjuhën e tyre, të përfshihen në të gjithë institucionet por mbi të gjitha të jenë të lirë.
Pas çdo ndjeje me të, nuk kishte njeri që nga ajo ndejë të mos dilte më i guximshëm dhe më me shpresë dhe duke reflektuar për vështirësitë me të cilët është ballafaquar që ne sot të jemi të lirë dhe té barabartë.

Jonuz Jakupi ka lënë mbrapa një djalë dhe tri vajza.

Të qoftë dheu i lehtë i kësaj toke që aq shumë e deshte.

Falja e namazit të xhenazes bëhet me namazin e drekës tek Xhamia e qytetit Sinan Tatar Pasha.